Danmarkimi coronaviruseqarlutik napparsimmavinni uninngasut ikileriangaatsiartut
Danmarkimi coronaviruserlutik napparsimmavinni uninngasut apriilimut sanilliutissagaanni ikiliartuinnarput.
Napparsimmavinni uninngasut marlunngornermi ikileriarsimasut maanna 177-iusut, Naalagaaffiup Nappaatinut Akiuussutissaliorfia, tassa Statens Serum Institut paasissutissiivoq. Taakkunannga 43-t peruluttut uningavianniittut amerlassusaat ataasinngormalli suli allannguuteqanngillat.
Danmarkimi coronavirusimut attuumassuteqartumik toqquteqartut maannamut 527-upput.
AAMMA ATUARUK Danmarkimi coronamik sapaatini-akunnerni arfinilinni toqquteqartut aatsaat taama ikitsigisut
Naalagaaffiup Nappaatinut Akiuussutissaliorfiata coronavirusimut attuumassutilimmik toqquteqarsimasuni aqqaneq-marluk taakkununnga nalunaarsuiffimmit peerpai, taakkumi misissortinnerminniit ullut 30-nit ikinnerunngitsut qaangiutereersut toqunerisa kingorna nalunaarlunaarsuiffimmut tassunga kukkuluttornikkut nalunaarsorneqarsimammata.
Coronavirusimullu attuumassuteqartumik toqqutillit arfiniliinnarnik ataasinngornermiit marlunngornermut ikileriaateqarput, inuimmi allat arfinillit coronavirusimut attuumassuteqartumik piffissamimi tassani toqquteqarsimammata.
Danmarkimi coronavirusimik nappaalaneq danskit naalakkersuisuisa oqartussaasuisalu aallaqqaataaniit ilimagisaannit ilungersornannginerusimavoq.
Tassa imaappoq, Danmarkimi coronaviruseqarlutik napparsimmavinni uninngasut napparsimmavinni taakkununnga uninngavissanit ikinnerungaatsiarput.