Indiami TV-kkut aallakaatitassiami niviarsiaraq uvitaartinneqarpoq
Pingaarnertut inuttaritinneqartoq niviarsiarannguaq arfineq-pingasuinnarnik ukioqarluni uisaartinneqarpoq. Tamannalu Indiami oqaluuserissallugu mianernartorujussuuvoq. Niviarsiaraq tv-kkut nangeqattaartuliami pingaarnertut inuttaatinneqartoq qalipaatigissaartunik atortoq nuannaarpaluttuuvoq, arfineq-pingasuinnarnilli ukioqarluni uisaartinneqarpoq maannalu sakikkumini uinilu najugaqarluni. Tassani sakikkumi maleruagassaat sukangaqisut malillugit inuusariaqarpoq.
Taanna Indiami pisartut tunngavigalugit tv-kkut nangeqattaartuliaavoq, nangeqattaartullu meeqqat katitinneqartarnerat akuerisaasunngortittutut pivaa. Meeqqat pisinnaatitaaffiannik suliaqartoq taama isumaqarpoq.
Maanna pinnguaqqusaajunnaarpoq, atuarnissaminut pisinnaatitaaffeerutsinneqarpoq meeraqatiminillu pinnguaqateqarsinnaajunnaarluni. TV-milu aallakaatitap meeqqat katitinneqartarnerannut tunngasoq akuerisaasutut pissuseqartilersinnaagaa meeqqat pisinnaatitaaffiinik suliaqartoq oqarpoq.
Inuit inerteqqutaasutut isigiunnaarlugu oqaluttuanngortinneqarsinnaasutut isigilerpaat. Uagutsinnulli piviusuuvoq amiilaarnartoq. Niviarsiaqqat 18-it inorlugit ukiullit Indiami katitinneqarnissaat inerteqqutaavoq. Tamatumunngali inatsit soqutigineqarneq ajorpoq. Meeqqat pisinnaatitaaffii pillugit suliniaqatigiiffiup tv-kkut aallakaatitaq inerteqqutaalersikkusuppaa, sulili piumasaqaatimi piviusunngortinnissaa iluatsinngilaa.