Indiami pikitsitsineqarpoq

Mao-p qanga ingerlatseriaasianik illersuillutik Indiami pikitsitsisut qaartartut nunamut matoorussimasaat, politiinik ikinnerpaamik qulingiluat ullumi ajunaassutigigaat, Indiap qiterpasissuani politiit nalunaarput.

Politiit motorcykelertartut nunap ilaani Bastarimi alapernaarsuitillutik ajunaarput.

- Qaartartuliat aaqqissuussamik qaartinneqarsimasorinarput, taama politiit pisortaat Girdhari Nayak nutaarsiassaqartitsivimmut Reutersimut oqarpoq.

Ajunaartut saniatigut politiit allat marluk ikiligaapput. Pikitsitsiniat politiit aallaasaat aqqaneq-marluk tilleriarlugit qimaasimapput.

Mao-p nunamik ingerlatseriaasianik illersuisut ukiuni 40-ni pikitsitsiniartuarsimasut – naasorissaasut piitsut, sulisartullu nunaataateqanngitsut pisinnaatitaaffeqarnerulernissaat sorsuutigalugu - pingaartumik nunap ilaani Chhattisgarh-imi - sakkulersortarsimapput, maannamullu akersuunnerni inuinnaat tusindit arlallit inuartariaqarsimapput, taakkununnga ilaallutik politeerpassuit.