Sermip sisoornerani sapusiaq kuugussaavoq.Assi: Reuters Tv/Reuters/Ritzau Scanpix

Indiami inuit 150-it sermip nakkaanneratigut ajunaarsimasinnaasut

Himalayami qaqqap sermiata sisoornerani, qarsutsineqangaatsiarpoq inuillu arfineq marluk toqungasut nassaarineqarlutik

Nunarsuarmi qaqqat portunersaanni Himalayami sermeq nakkaaneratigut inuit 150-it ajunaarsimanissaat, Indiami oqartussat sioorassutigaat.

Sermip nakkaanerani qarsutsineqangaatsiarpoq, nunat arlallit najugaqarfigineqartut qimagussortinneqartariaqarlutik.

Inuit arfineq-marluk ajunaarsimasut nassaarineqarput, inuillu 125-it maqaasineqarlutik. Naalagaaffiup ilaani Uttrakhanimi, ministeri taama oqarpoq.

Nakkaannermiit pujoralaat

Aput sisoornerata kingunerisaanik pujoralaat ujaqqaneersut imermeersut suna tamarmi ersittuerutsikkaa, takunnittoq oqaluttuartoq. Nutaarsiassaqartitsivik Ritzau allaaserisaqarpoq.

- Pisoq sukkasoorujussuarmik takkuppoq, innuttaassulluunniit kalerrinnissaanut periarfissaqanngilagut, takunnittoq oqaluttuarpoq.

Apummik/sermimik sisoortoqartillugu qarsutsineqarneq ajoraluartoq, takunnittoq oqarluttuarpoq.

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl