India nunani coronaviruseqarfiunerpaasuni pingajuusoq

Indiami inuit coronavirusimik tunillatsissimasut 1 millioninit amerlanerulermata, nunarsuarmi nunat inunnik 1 millioninit amerlanerusunik coronavirusimik tunillatsissimasullit pingasunngorput.

Tamanna Indiap peqqissutsimut ministereqarfiata kisitsisaataani talllimanngornermi saqqummiunneqartuni takuneqarsinnaasoq, nutaarsiassaqartitsivik Reuters allappoq.

AAMMA ATUARUK Bangladeshimi Indiamilu inuit miliuunilikkaat qimarnguinnukaanneqartut

USA Brasilialu inunnik coronavirusimik tunillatsissimasoqarfiunerpaapput. USA-mi coronamik tunillatsissimasut 3,6 millionit pallippaat, Brasiliamilu tunillatsissimasut tallimanngornerup unnuaani 2 millioninik amerlatigilerlutik.

Indiami coronavirusimik toqquteqartut ullup unnuallu kingulliit ingerlaneranni 687-inik amerlimmata 25.602-nngorput.