Inatsitsissaq piariiaarneqarusuppoq

Naalagaaffiit Peqatigiit silap pissusaa pillugu Københavnimi decembarimi ataatsimeersuartitsinissaa sioqqullugu USA-mi demokratit senatoriata John Kerry-p anguniarusuppaa USA-p silap pissusaa pillugu inatsisissap piareernissaa.
Allattoq Najaaraq Egede
oktobarip 05-at 2009 06:56

Kerry isumaqarpoq, aningaasaqarneq pillugu USA-p aaqqissuuteqqinnerata naammassinissaa silap pissusaa pillugu inatsisiliornissamit pingaarnerunngitsoq, Kerryp taama oqarnera Washington Postimi ullumi saqqummersumi atuarneqarsinnaavoq.

- USA-p silap pissusaa pillugu isummersoqataanera siuttuuneralu Københavnimi ataatsimeersuarnissaq sioqqullugu takutittariaqarpoq, Kerry oqarpoq.

USA-mi senatip ulluni makkunani peqqinnissamik aaqqissuusseqqinneq suliaraa, suliarlu taanna USA-mi tamarmi maannakkorpiaq pingaarnerpaatut isigineqarpoq.

- Kisianni aamma silap pissusaa pillugu aalajangiisoqartariaqarpoq. Taanna aningaaseriviit siorna ajutoortut aaqqissuuteqqinnissaannit pingaarneruvoq, Kerry oqarpoq.

Præsident Barak Obamap naatsorsuutigaa, silap pissusaa pillugu inatsisissaq aamma aningaasaqarnermut inatsisissaq juullertinnagu naammassissasut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq