Inatsisitigut siunnersuisarfik IKIU atorluarneqaqaaq

Eqqartuussisulersuussinissaq siunertaralugu akeqanngitsumik siunnersorneqarsinnaaneq juunip ulluisa aallaqqaataani aallartittoq atorluarneqaqaaq.

IKIUp allaffeqarfiani pisortap, Aviâja Lyngep, oqaluttuaraa, inuit maanna paasinerulersimagamikku IKIU sumut atorsinnaallugu atorlualersimagaat. Ulloq manna tikillugu suliassat 130-t naammassineqareerput.

IKIU-mut sianeraanni oqaloqatigisaq siulleq tassaasarpoq, Aviâja Lynge, taanna IKIU-p allaffeqarfiani pisortaavoq.

IKIU tassaavoq inatsisitigut siunnersuisarfik. Siunnersuisuusarput inatsisilerituut, taakkulu piumassutsiminnik akeqanngitsumik sulisarput.

Aviâja Lyngep erseqqissaatigaa saaffiginninniaraanni qinnuteqartoqartariaqanngimmat, taamaallaalli saaffiginniinnartoqarsinnaammat siunnersortikkusuttunit.

- Saaffiginnissutaasartut assigiinngitsorpassuusarput, suliffimmit soraarsitaanerit, avinnermut tunngasut, suliffimmi ajoqusernermut tunngasut, ilaatigullu saaffiginnissutigineqartarput kannguttaatsuliornerup kinguneranik suliakkiissutit, Aviâja Lynge oqarpoq.

Eqqartuussisulerisut aamma inatsisilerituut ikinnerpaamik qulit mannamut IKIU-mi akeqanngitsumik piumassutsiminnillu siunnersuisarput. Taakku paarlakaajaallutik sapaatip akunneranut akunnerni marlussunni sulisarput. Eqqartuusisulerisunik aamma inatsisilerituunik 25-nik siunnersuisinnaasunik sulisoqartalernissaq IKIU-p siunertarivaa.

IKIU aallartimmalli ulloq manna tikillugu suliakkiissutit 130-it naammassineqareerput.

- IKIU atorneqarluartorujussuuvoq, ilaatigut sapaatip akunnerini ullut tamarluinnaasa suliakkiissutinik ulikkaaqqasarpoq. Kisianni kikkulluunniit tamarmik sumiikkaluartut saaffiginninnissaminnut tikilluaqqusaapput, Aviâja Lynge oqarpoq.

Aviâja Lyngep aamma erseqqissaatigaa IKIU nuummiuinnarnut siunnersuisarfiunngimmat, nunali tamakkerlugu siunnersortikkusuttunut atuulluni.

Civilstyrelse 800.000 koruunit missaannik aningaasaliisuuvoq, taassuma saniatigut oqarasuaateqarneq Telemit aningaasaliiffigineqarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat