Inatsisitigut isumannaassuseq pillugu misissuisoqalersoq
Siunnersuisoqatigiit suleqatigiissitanik, Kalaallit Nunaanni inatsiseqarnermi inatsisitigut isumannaassutsip ilaanut (isaasalerlugu) "atortunik misissuisussamik" pilersitsisimanerat matumani pissutaasoq Inatsisinik Atuutsitsinermut Naalakkersuisoqarfiup nalunaarutigaa.
Inatsiseqarnerup iluani inatsisitigut isumannaassutsimut unammillernartut suussanersut ataatsimiinnermi eqqartorneqarput:
- Eqqartuussissuserisut Siunnersuisoqatigiit Kalaallit Nunaanni inatsisitigut isumannaassutsimut soqutiginninnerat nuannaarutigisorujussuuara. Suliassaqarfik taanna Naalakkersuisunit annertuumik pingaartinneqarpoq, ukiullu kingulliit ingerlanerini annertuumik siuariarfiusimavoq. Assersuutigalugu pinerluttulerinermik suliani meeqqat inuusuttullu video atorlugu apersuinermik atuisinnaalernissaq Naalakkersuisut sulissutigisimavaat, Inatsisinik Atuutsitsinermut naalakkersuisoq Mala Høy Kùko, tusagassiuutinut nalunaarummi ilaatigut taama allaaserisaqarpoq, illersuisut atugaasa pitsanngorsarniarlugit sulisoqartariaqarnera aamma tikkuartorlugu.