Inatsisitigut ataataqanngitsut peqatigiiffittaarput
Kattuffimmi siulittaasunngorpoq Tida Ravn, siulittaasup tulleralugu Klaus Frederiksen. Siulersuisuni ilaasortangortut allat tassaapput Ludvig Sethsen, Anne Sofie Hardenberg aamma Kirstine Lennert. Kirstine Lennert Sisimiuniittuuvoq, sinneri Nuummi najugaqarlutik.
Peqatigiiffiliornissaq siunniunneqarpoq, Anne Sofie Hardenberg, atuagaq "Ataatamik ilungersuutit" saqqummersereeraalu.
Peqatigiiffiup sorsuutigaa, angajoqqaat katissimanatik meerartaavisa tamarmik Kalaallit Nunaanni inuttulli allatut pisinnaatitaaffeqalernissaat, soorlu ataataminnit danskiusumit kingornussisinnaatitaalernissaat.
Kattuffiup pilersinneqarnerata kingorna, kattuffiup nunatsinni ilisimaneqarnerulernissaa anguniarlugu paasisitsiniaasoqassasoq Tida Ravnip oqaatigaa, taamaattumillu aningaasanik katersisoqassalluni.
Kattuffiup pilersinneqarneratigut, Kattuffik Ataata kalaallit qallunaallu naalakkersuisunit tusarniarneqartalissasoq, siulittaasoq Tida Ravn KNR-imut aamma oqarpoq.