Inatsisitigut ataatanngitsut inatsiliorneqarnerat misissorneqassaaq
Taama nipilimmik Naalakkesuisut siulittaasuat, Kuupik Kleist naqissusiivoq. Pineqartoq tassaavoq, inatsisitigut ataataqanngitsut inatsisiliuunneqarsimanerisa misissorneqarnissaa. Ataatsimiititaliarsuarmik pilersitsisoqannginnissaa Naalakkersuisut siulittaasuata erseqqissaatigaa.
Naalagaaffeqatigiit naalakkersuisuisa siulittaasui aasaq Skagen-imi ataatsimeeqatigiinneranni Kuupik Kleist-i danskit ministeriunerallu, Lars Løkke Rasmussen, isumaqatigiipput inatsisip pilersinneqarsimanerata misissorluarneqarnissaanik.
Nutaarsiassaqartitsivinnit allaaserineqarpoq ataatsimiititaliarsuarmik pilersitsisoqassasoq. Tamanna siunertaanngilaq, Kuupik Kleist nassuiaavoq:
- Maanna isumaqatigiinniutigaarput suliassap nassuiarneqarnissaata oqaasertassaannut tunngasut. Ima paasilllugu, inatsisiliorsimanermut misissuinissat sumut tunngassanersut isumaqatigiissusiorfigalugit. Mississuinissat oqaasertassaat naammassippata taava suleqatigiisitamik pilersitsissaagut, taakkulu paasiniaareerunik imaqarniliamik saqqummersitsiumaarput, Kuupik Kleist oqarpoq.
Suliassap nassuiarnerata oqaasertassaannut isumaqatigiinniarnerit qaammatip uuma ingerlanerani naammassissasut naatsorsuutigineqarpoq.