Inatsisit Tunngaviusussat pillugit Isumalioqatigiissitat ataatsimeeqqammersut

Inatsisit tunngaviusussat missiliuusiorfiginissaat suleqatigiissitat taakku akisussaaffigissavaat. Isumalioqatigiissitat siulittaasuat Doris J. Jensen ataatsimiinneq pillugu ima oqarpoq:

- Isumalioqatigiissitat iluminni suleqatigiissitanik pilersitsinissaat qilanaarisimavara, taamaalilluni inatsisit tunngaviusussat imarisassaannik assigiinngitsunik suliaqarnerput aallartissinnaanngormat. Suleqatigiissitat pilersinneqartut sulilluarnissaat qularutiginngilara, Doris J. Jensen oqarpoq.

Suleqatigiissitat pilersinneqartut pingasut
Naalakkersueriaaseq pillugu suleqatigiissitat, Per Rosing-Petersen siulittaasoralugu. Pisinnaatitaaffiit pisussaaffiillu pillugit suleqatigiissitat, Anita Hoffer siulittaasoralugu, kiisalu Nunanut allanut sillimaniarnermullu tunngasut pillugit suleqatigiissitat, Aleqa Hammond siulittaasoralugu.

Inatsisit Tunngaiusussat pillugit Isumalioqatigiissitat ileqquusumik tullisaanik aappaagu ataatsimiissapput, suleqatigiissitallu ataasiakkaat sulinerminni tunngavissaminnik aalajangersaassapput, sulinermullu pilersaarusiassatik inaarsassallugit.