Inatsisit allanngortikkusuppai
Kangerlussuarmi isumannaallisaanermik nakkutilliisut aqqusaarniaraanni ilaatigut utaqqikatannarsinnaasarpoq, tamannali allanngulerunarpoq.
Inatsisit EU-p mittarfiini atuuttut Danmarkip angallannermut ministerianit Flemming Hansenimit allanngortinniarneqarput.
Timmisartoq Londonimiit aallartussaq siorna qaartartumeerniarneqaleraluarmalli isumannaallisaaniarnermi inatsisit sukaterriffigineqarput.
Flemming Hanseni isumaqarpoq isumannaallisaaniarnerit piffissaajaataaginnartartut, inatsisillu allanngortinneqarsinnaanissaat misissortikkumallugu.
Tamanna pillugu EU-p angallannermut kommissærianut allagaqaateqarpoq, erseqqissaatigaluguli isumannaallisaaniarnerit pingaaruteqartut.