Inatsisinik toqqammavissaqanngitsut
- Namminersornerullutik Oqartussani Ilaqutariinnermut Peqqissutsimullu Naalakkersuisoqarfik inatsisiliortunik peqannginnera pissutigalugu psykolog-inut tunngasumik inatsimmik maannamut pilersitsisoqanngilaq.
Taamaammat Karen Marie Nathansen neriuppoq politikerit akisussaasut tusarnaarluassasut.
- Psykologeq sullitaalu ullumikkut illersugaanngillat. Inuk avatiminik napisoorsimasoq, nakorsanit sulinerinerlunneqarsimaguni malaarsinnaasarpoq. Tarnip pissusaanik ilisimasalimmit kukkusumik katsorsarneqarsimasoq maalaarsinnaanngilaq.
Katsorsaasup inuttut ineriartornermut tunngasunik ilinniarsimasuunissaa pingaaruteqartoq Karen Marie Nathansen isumaqarpoq.
- Inuk tarnimigut innarlerneqarsimappat maalaasinnaasariaqarpoq, peqqinnissaqarfimmut imaluunniit ilaqutariinnermut pisortaqarfimmut.
Ilaqutariinnermut Peqqissutsimullu Pisortaqarfimmit oqaaseqartitsiniaraluaratta iluatsitsinngilagut.