Inatsisartut siulittaasuat illutaassaaq

Inatsisartut siulittaasuata akeqanngitsumik najugaa oqummik najugassaajunnaarmat nutaamik 6 million koruuninik akilimmik taaserneqartussanngorpoq.
Allattoq Ludvig Siegstad
februaarip 06-at 2012 10:00

Inatsisartut siulittaasuata najugaa oqummik najugassaajunnaarmat isaterneqassaaq nutaavimmillu taarserneqarluni.

Inatsisartut siulittaasuata najugaa kisimi oqummik najugassaajunnaarsimanngilaq, Naalakkersuisunut ilaasortat najugaasa ilaat oqoqarmata 2 million koruunit atorlugit oquiarneqassapput. Tamanna Naalakkersuisut inatsisartut aningaasaqarnermut akileraartarnermullu ataatsimiititaliamut inassuteqaataanni atuarneqarsinnaavoq. Inassutigineqartullu ataatsimiititaliamit siorna decembari naalersoq akuersissutigineqarput.

Naalakkersuisut najugaasa iluarsaanneqarnerinut atatillugu illut marluk, Naalakkersuisunit najugarineqartussat, pisiarinissaannut 5 millioner koruunit aamma akuersissutigineqartut, aningaasaqarnermut akileraartarnermullu ataatsimiititaliap imaqarnialiaani taama allassimasoqarpoq.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk