Inatsisartut pingasoriarlutik ataatsimiissapput
Inatsisartunngortuni sivisunerpaamik ilaasortaasimasup Josef Motzfeldtip, Inuit Ataqatigiinneersup, partiit siulittaasuinik ippassaq ataatsimeeqateqarnermini, Inatsisartut inissitsiterlutik tallimanngornermi juunip aqqaneq-aappaanni ataatsimiinnissaannik siunnersuutaa taperserneqarpoq.
Allattoq Elisa Isaksen
Tamatuma saniatigut Inatsisartut juunip 16-anni 19-annilu immikkut ittumik ataatsimiissapput. Tamanna siulittaasoqarfik qinigaariarpat aalajangiiffigineqassasoq Josef Motzfeldt ilisimatitsivoq, taassuma sivisunerpaamik ilaasortaasimasutut Inatsisartut tallimanngorpat ataatsimiinnerat ammassavaa.