Ineqarnermut Naalakkersuisoqarfiup Kommuneqarfik Sermersuumut allakkatigut saaffiginninnermigut tarnimikkut nappaatillit ineqarnitinneqarnissaat qulakkeerusunngimmagu.
Inatsisartut ombudsmandiattut Ineqarnermut Naalakkersuisoqarfik nalunaajaammik qinnuigisimavaa.
- Tamatuma saniatigut naalakkersuisoqarfik nassuiaaqqusimavaa, taama nalunaaruteqarnermini inatsisit suut tunngaviginiarsimanerai, inissiat pineqartut tarnimikkut napparsimasunut naliginnaasumik innersuunneqarsinnaannginnerinik, Vera Leth allappoq.
Ombudsmandip Ineqarnermut Naalakkersuisoqarfik aamma Kommuneqarfik Sermersooq qinnuigisimavaattaaq pineqartumut allagaatit tamaasa imminut nassiuteqqullugit. Kommunittaaq Inuit Pisinnaatitaaffii pillugit Ilisimatusarfiup oqaaseqaatai ilanngullugit nassiutissavai.