Inatsisartut ataatsimiinnerat eqaannerusoq akioriiffiusorlu ujartorneqarpoq

Inatsisartut ataatsimiinneranni oqallittarnerit eqaannerusumik akioriiffiunerusumillu ingerlanneqartariaqaraluarput, Inatsisartuni IA-p ilaasortaatita Asii Chemnitz Narup isumaqarpoq.

Partiit oqaaseqartartuisa saqqummeereernerisigut naalakkersuisut saqqummiussisullu akornanni uummaarinnerusumik akioriittoqarnerunissaq kissaatigingeqarpoq, folketingimilu oqallinnermi malittarisassat nutarterinissamut isumassarsiorfissatut piukkunneqarput.

"Ujartorpara oqallinneq uummaarinnerusoq aamma akioriinnissamut periarfissiilluarnerusoq ullumikkorninngaaniit, tassa partiit oqaaseqartartuisut oqaaseqareeraangatta, oqallinnivittaa aatsaat tikitttaratsigu, tassanilu oqallinnivittaani piffisaritinneqartoq allatut atorneqarsinaasoq, sivitsunngikkaluarlugit kittaarlugit atorneqarsinnaasariartut, Asii Chemnitz Narup oqarpoq, taamaaliornikkut sivikitsukullammik akioriissinnaassagaluaratta, saqqummiussisut, partiit, naalakkkersuisullu akornanni".

Asii Chemnitz Narup-ip inatsisartuni siulitaasoqarfimmiut kaammattorpai nutaamik nalilersueqqullugit suleriaasissamillu nutamik qanoq iliuuseqaqullugit.

Folketingip suleriaasia oqallinnermilu malittarisassaat nutarterinissamut isumassarsiorfissallugit Asii Chemnitz Narup-ip piukkunartipai.