Inatsisartunut ilaasortat taasisarnerat misissuivigineqalerattorpoq
Inatsisartuni ilaasortat taasinerni inatsisaatsuliorsimanerat, Radioavisimi sapaatip-akunneranni kingullerni marlunni qulaajarneqartoq, maanna misissuiffigineqaleruttorpoq. Taasinerni peqquserluttuliorsimasut misissuivigineqartunut ilaapput, paasissutissalli sukumiinerusut sapaatip-akunnerup tulliani aatsaat saqqummiunneqarsinnaanissaat, Inatsisartut siulittaasuata Ruth Heilmannip oqaatigaa.
Allattoq Mads Lynge
- Saaffiginnissutsit aallaavigalugit suliaq maanna ingerlapparput, ataatsimiititaliallu allat assigalugit Siulittaasoqarfiup ataatsimiittarneri matoqqasuupput, saaffiginnissutsillu pillugit oqaaseqarsinnaanngikkallarlunga. kisianni neriuutigaara sapaatip-akunnerup tulliani naammassisaqassalluta, suliaq una sivitsormat tamatsinnullu toqqissisimanarani, Inatsisartut siulittaasuat Ruth Heilmann oqarpoq.