Assi: Nils Baum/Bureau for Inatsisartut

Inatsisartuni ullormut pisussat

Inatsisartut ullumi nalunaaqutaq qulinut ataatsimiinnerat aallarnerlugu, Naalakkersuisut siulittaasuata tullia aamma ineqarnermut attaveqarnermullu naalakkersuisoq Knud Kristiansen akunnermi ataatsimi apeqqarissaarfigineqassaaq.

Tamanna pereerpat, Inatsisartunut ilaasortat siunnersuutaat arlallit aappassaaneerneqassapput, taakkulu ilarpassui sulisut Nunatsinnut attuumassuteqarnerannut tunngassuteqarput.

Danmarkimi Kalaallit Peqqissartut Angerlarsimaffianni ukiuni arlaqartuni nappaatertik pissutigalugu najugaqartariaqartunut inissialiornissamik siunnersuut aamma oqaluuserineqassaaq.

Inatsisartunut ilaasortat siunnersuutaat taaneqartut saniatigut, Naalakkersuisut aningaasaqarnikkut ingerlatsineq pillugu nalunaarutaat, ippassigami saqqummiunneqartoq, aamma oqallisigineqassaaq.

Oqallinnerlu taanna pereerpat, nunaqavissut pikkorissartinneqartarnerat pillugu oqallittoqassaaq. Partii Naleqqameersoq Hans Enoksen, apeqquteqaat aallaavigalugu oqallinnissamik siunnersuuteqartuuvoq.

Suliffeqarnermut naalakkersuisoq Vittus Qujaukitsoq oqallisigineqartussaq qilanaaralugu akissuteqaatimini allappoq.

Tamatumunnga ilanngullugu aamma ilisimatitsissutigaa Naalakkersuisut nassuiaatinik marlunnik ukiaru saqqummiussissasut, taakkunanilu pisortat suliffeqarfitaanni piginneqatigiiffiutaannilu sulisussarsiortarneq aamma qanoq ililluni nunatsinni nunaqavissut sulisoriinnarneqarsinnaanersut sammineqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat