Inatsisartuni sinniisoq persuttarneqartoq
KNR-ip paasisai naapertorlugit 45-nik ukiulik Kaali Olsen niaqqumigut tillunneqarlunilu isimminneqarpoq, ambulancinillu kingorna nakorsiartarfiliaanneqarluni.
Kaali Olsen oqarpoq, arlaleriarluni eqqaamasaaruttarsimalluni, nakorsiartarfimmili passutsereernermi kingorna angerlarsinnaasimanerarluni.
Politiit kingorna attaveqarfigisimanerarpai.
KNR-ip paasisai naapertorlugit siornatigut Inatsisartunut ilaasortaasimasoq persuttaasimasutut politiinit tigummineqarpoq, politiilli tamanna nammineq uppernarsarumanngilaat.
Pisoq pillugu misissuisoqaleruttornera pissutigalugu politiit oqaaseqarsinnaannginnerarput.
Persuttaanermik takunnittut arlaqarsimapput, Kaali Olsenillu oqaatigaa pisoq oqarasuaatikkut angallattakkamik filmiliarineqarsimasoq.