Inatsisartuni ilaasortaq qisuariaateqarpoq

Avannaani Ikaarsaariarnermut Ataatsimiititaliami sulineq nattaqqallisaartumik ingerlasoq, Inuit Ataqatigiit sinnerlugit ilaasortaq Isak Hammond sapaatiummat oqarpoq, Qasigiannguilli borgmesteriannit Jess Svanemit akineqarluni. Taassuma oqaatigaa Inatsisartuni ilaasortaajutigalutik Ikaarsaariarnermut Ataatsimiitaliami ilaasortaasut suliaminnut piffissakinnerpaasartut.

Kangaatsialli borgmesteriata Otto Jeremiassenip, aamma Siumut sinnerlugu inatsisartunut ilaasortaasup, Avannaani ikaarsaariarnermut ataatsimiititaliap siulittaasuanut maanna akissuteqarpoq.

- Avannaata Kommuniani suliniarnermi inatsisartunut ilaasortat taakkuupput piffissakinnerpaat, Jess Svane allappoq. Taamatulli oqarneq tunngaveqarani oqarluartaarnerinnaasoq isumaqarpunga, Otto Jeremiassen tusagassiuutinut allappoq, nangillunilu:

- Inatsisartunut ilaasortaagaluarlunga maannamut Avannaani ikaarsaariarnermi ataatsimiititaliamut suli peqataanngitsuunngilanga, Otto Jeremiassen allappoq, ataatsimiinnernilu peqataasinnaanngitsutut kikkut nalunaaruteqartarsimanersut ujartorlugu, paatsuungassutissat taamaaliornikkut ikinnerulernissaat oqaatigalugu.