Inatsisartuni IA sinnerlugu ilaasortaq Siumumut nuuppoq
Akitsinnguaq Olsen Inuit Ataqatigiinniit anilluni Siumumut nuuttoq, siulittaasoq, Aleqa Hammond nalunaaruteqaqqammerpoq.
Allattoq Bikki P. Kleist
Akitsinnguaq Olsenip qinikkatut sulinermini pingaartitaasa ilagaat tamat oqartussaanerat ataqqillugu aammalu qinikkat akornanni naligiimmik suleqataasinnaaneq angusassaq inuiaqatigiinnut pitsaanerpaaq anguniarlugu isummersornissaq.
- Tamannalu Inuit Ataqatigiinnit ataqqineqannginnera aammalu oqaaseqarsinnaanissamut killilersorneqarnikkut tamat oqartussaanerata oqaaseqarsinnaanissaanullu killiliisuuvoq Akitsinnguup peqataaffigiumanngisaa, Aleqa Hammond tusagassiuutinut nalunaaruteqarluni taama allappoq.
Siumut tusagassiortunik nal. qulinut katersortitsiniarpoq.