Inatsisartuni ataasiinnaq tunuartitaavoq
- Radioaviisip paasisai naapertorlugit Mogens Kleistip kisimi Inatsisartunut ilaasortatut qinigaasimanini annaavaa.
juunip 12-at 2009 12:33
Mogens Kleist, Kattusseqatigiit Partiianneersoq, ukiut marluk matuma siorna arnamut kannguttaatsuliorluni sms-ernini peqqutigalugu akiliisitaavoq, taamaammallu qinigaasinnaanermut ataatsimiititaliamit tunuartitaavoq.
- Inatsisartut ataatsimeeqqarnerminni ilaasortatut qinigaasut akuersissutigineqarnissaanik sammisaqarnerput matoqqatinneqarpoq, inatsisartunut qinigaasut ukiut qulit kingulliit pinerluuteqarsimasut allattorsimaffianni allassimanersut misissorneqarmata, Josef Motzfeldt oqarpoq. Mogens Kleist, Anthon Frederiksenimut sinniisussaagaluarpoq. Taarsiullugu Jakob Skade Kattusseqatigiit Patiiat sinnerlugu inatsisartuni ilaasortanngorpoq.
