Immummik toqunartuliisut marluk pillarneqarput
Maannakkullu Kinami eqqartuussivissuit ilaata angutit marluk eqqartuuppaat, aappaa toqutassanngortillugu, aappaalu inuunini naallugu parnaarussaasussanngortillugu. Kinami nutaarsiassaqartitsivik, Xinhua, ullaaq manna taama ilisimatitsivoq.
Immuliornissamut immuillu toqunartullit nioqqutiginissaannut aalajangiinermi angutit taakku marluk peqataasimapput, meeqqallu ikinnerpaamik arfinillit toqupput, 300.000-llu missaat napparsimarujussuarlutik.
Illoqarfimmi Shijiazhuangimi inuussutissarsiutillit atorfillillu arlalissuit unnerluutigisassanngortinneqareersullu eqqartuussutit marluk siulliit sukkasuumik aalajangiunneqarput.
Pisoq mamianartoq aallartippoq immuliatik akuutissanik toqunartortalimmik melaminimik akusarsimagaat paasineqarmat, akuutissaq taanna plastikiliornermi nalinginnaasumik atorneqartarpoq.
