Immiussisarfik tusaamasaq aallarteqqinneqalersoq

Sweet Silence Studios Amagerimiittoq tassaavoq kalaallit rockimik nipilersortartut Sume, Juaaka Band, Qaaq, Piitsukkut immiunneqarfiat, aammalu Inneruulat Zikazallu saqqummersitaqqaavisa nipigissarneqarfiat.

2006imili immiussisarfik matuneqarpoq, illuutit inissisimaffigisaat piiarneqartussanngormata.

Maannali Sweet Silence Studios Flemming Rasmussenimit aqunneqarlutik aallarteqqinnialerput. Taanna inuusuttunnguulluni nipilerisutut nipilesortartut kalaallit amerlasuut inerneqarluartumik ikiortarsimavai, taamani piginnittusoq Freddy Hansson peqatigalugu.

"Musikkens Hus"ip Helsingørimi pilersinneqarneratigut Flemming Rasmussen akuersitinneqarsimavoq immiussisarfiutimi illoqarfiit annersaanniit Helsingørimut nuunnissaanut.

- Sweet Silence københavnimiuugaluarpoq. Maannali Sweet Silence Northimik atserlugu aallarteqqinniarlerparput, Flemming Rasmussen nipilersortartut atuagassiaannut Gaffamut oqarpoq.

Nipigissaat mixerpulti suli taannaavoq kalaallit nipilersugaannik immiussissutaasarsimasoq, aammali allat tassani immiunneqartarsimapput soorlu makku: Metallica, Ritchie Blackmore, Cat Stevens kiisalu Beatlesini tumerparpaartartoq Ringo Starr, qallunaallu nipilersortartut Gasolin aamma Anne Linnet.

Sweet Silence aamma Flemming Rasmussenip nipilersortartut illuutaat Musikkens Hus Helsingørimiittoq iserterfigereerpaat. Taanna maajip 20-iani pisortatigoortumik ammarneqassaaq.