Imminut toquttut qimataat ikiorneqalerput
Toqukkut qimagaasut oqaloqatigiittartut kikkunnut tamanut ammasuunngillat. Inuit tassani peqaasartut tassaapput kommuunimiit innersuunneqarsimasut. Oqaloqateqarsinnaanissamullu periarfissaq iluaqutaavoq. Tamanna paasinarsivoq oqaloqatigiittartut pilersinneqarnerannit qaammatip aappaata affaa ingerlariiginnartoq.
- Misigisimagama uanga kisima taamaattunik misigissuseqarlunga, kisianni paasivara kisimiinnanga, aliasuuteqarlutik oqaloqatigiittartuni peqataasartoq oqaloqatigiittartuni misigisani pillugit Kommuneqarfik Sermersuup nittartagaanut oqarpoq, kinaanermilu saqqummiunneqannginnissaa kissaatigisimavaa.
Qamuuna aalaterneqarneq sakkortooq pisarpoq inoqatitta ilannguisa inuunertik kipitikkaangassuk qimataasullu ingerlaqqissinnaajumallutik ilungersuuteqartaqaat. Inunnillu taama nalaataqarsimasunik oqaloqateqarneq iluaqutaasartoq paasineqarsimavoq.
- Annaasaqarsimagaanni taava allat, nammineq annaasaqarsimasut kisimik ilisimaqqissaartarpaat tamanna qamuuna qanoq misinnarnersoq, katsorsaasartut oqarput.
Aamma meeqqat angajoqqaamik qatanngummilluunniit imminut toqunneratigut qimagaasut oqaloqatigiittarfiannik pilersitsisoqarpoq.
Tarnit pissusaannik ilisimasalik Anette Broberg ilaqutariinnullu siunnersortit Maren Heilmann aamma Vivi Husuum aliasuuteqarnermi oqaloqatigiittartut ingerlataraat. Oqaloqatigiinnerni peqataasartut namminneq aalajangertarpaat ingerlariaqqinnissamut piareernerlutik. Oqaloqatigiittartut sulinerat aasaanerani sulinngiffeqarneq naammassippat nalilersorneqassaaq.
