Imminut illersorniarluni 32-nik ukiulik aallaavaa
Angut 32-nik ukiulik Moriusami julip 13-ani aallaaneqarnermi kingorna toqusoq nunaqarfimmioqatiminut aallaasersormat nunaqqataata 31-nik ukiullip aallaavaa, maannalu aallaannittoq iperagaavoq
Allattoq Jokum Nielsen
juulip 17-at 2009 14:28
Politiit angalallutik misissuisartuisa paasiniaareernerminni toqutsisutut pasisaasimasoq iperarpaat. Taamak nalunaaruteqarput Kalaallit Nunaanni politiit. Aallaasersortoqalermat nunaqarfimmi sisamanik inoqartumi paasiniaqqaarneqarsimavoq imminut illersorniarluni iliuuserineqarsinnaasut, paasiniaanermilu ersersimavoq ulorianartorsiortitsisoq niuatigut aallaaneqarsinnaasoq. Iperagaasup 31-nik ukioqartup killisiorneqarnermini nassuiaatigisimavaa aallaaneqartoq niuatigut aallaariarsimagaluarlugu. Pasisaasimasoq iperareeriigaagaluartoq suli suliaq naamassinngilaq, apeqqutit assigiinngitsuli suli qulaarneqanngimmata.
