Naalagaaffiup aningaaserivissua: Imminut akilersinnaanngitsunut aningaasaliinaveersaartariaqarpugut

Namminersulerumagutta imminut akilersinnaanngitsunut aningaasaliinaveersaartariaqartugut Naalagaaffiup aningaaserivissuata misissuinerminit inerniliilluni kaammattuutigaa.
Assi © : Boegh/Flickr Creative Commons
Allattoq Ane-Marie Petersen, Anton Gundersen Lihn
aggustip 18-at 2017 08:18

- Imminut akilersinnaanngitsunut aningaasaliinissaq sianigineqartariaqarput, ukiorpassuarni akilersorneqartariaqassammata, Naalagaaffiup aningaaserivissuani siunnersorti Anders Møller Christensen oqarpoq.

Nuummi, Ilulissani Qaqortumilu mittarfiliortiternissamut suliniutip imminut akilersinnaanersoq qulakkeerneqanngitsunut ilaasoq Naalagaaffiup aningaaserivissuata misissuinermini nalilerpaa. Namminersorlutillu Oqartussat suliniutinut taamaattunut eqqarsarluaqqaarlutik aalajangiissasut kaammattuutigineqarpoq.

AAMMA ATUARUK Naalagaaffiup aningaaserivissuata nunatta aningaasaqarnera ernumanartoqartikkaa

Ingammik Kalaallit Nunaat maanna atugarisaarneq attatiinnarlugu namminersulerusulluni siunertaqartillugu.

- Imminut akilersinnaanngitsunik aningaasartuuteqarnerit tamaasa piffissaq namminersuliviffiusussaq kinguartinneqartartoq nalunganngilaq

Imminullumi akilersinnanngitsunik aningaasartuuteqartarneq sivisuumik akornutaasinnaasartoq Anders Møller Christensen oqarpoq.

- Isertitat nutaat imminut akilersinnaanngitsunut matussutaasariaqassagamik, Naalagaaffiup aningaaserivissuani siunnersortaaneq Anders Møller Christensen, oqarpoq. 

AAMMA ATUARUK Aningaasaliissutissat nalornissutigineqartut

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk