Imminoriarsimasut nipilersortartullu pinaveersaartitsisutut atorneqarsinnaapput

Pinaveersaartitsiniarnermi aamma nipilersortartut erinarsortartullu atorluarneqarsinnaanerat siunnersuutigaat.

Imminoriarsimasoq qaangiisimasorlu Aila Kristensen siulliulluni ima oqarpoq:

Inuiaqatigiinni takujuminarnerusunik tarrarsorfigineqarsinnaasunik saqqumilaartitsinikkut pinaveersaartitsineq ingerlanneqarsinnaavoq. Kisitsisit kisiisa saqqummiunneqagit, eqqoriaanerillu pinnagit, Aila Kristensen siunnersuuteqarpoq. Imminoriarsimasunik imminorsimasunilluunniit qanigisallit oqalugiartittarlugit imminornissamik pinaveersaartitsineq ingerlanneqarsinnaasoq, Aila Kristensen isumaqarpoq.

Mikael Rosing ernniortuullunilu taalliortuuvoq, taanna isumaqarpoq, nipilersortartut pinaveersaatitsitut atorluarneqarsinaasut. Mikael Rosing angajumi imminornerata kingorna taalliorpoq erinniarlunilu, ernarsuusiamini nammineq migisigisani aallavigalugu taalliorpoq, kisianni inuit allat qanoq aliasuutiminnik qaangiisinnaanerat erseqqissarlugu

Mikael Rosing qatanngummi imminornerata kingorna erinarsuusiorpoq ateqartumik ”qataanngut annaasaq”.

Artorsaateqaraanni kinaaneq oqaatiginngikkaluarlugu Paarisap meeqqanut inuussuttunullu oqarasuaatikkut siunnersuisarfia 134 sianerfigalugu oqaloqatiginnittoqarsinnaavoq, ullut tamaasa unnukkut arfineq-marluniit qulingiluat tungaanut.

Paarisap inuusuttunut inersimasunullu oqarasuaatikkut siunnersuisarfia alla 146 kikkunnulluunniit inuttut ajornartorsiortunut, imminornissamik eqqarsartunut imminorsimasunullu qanigisaasunut saaffiginnittarfik ataasinngornerni arfininngornernilu unnukkut arfineq-marluniit qulinut ammasarpoq.