Qaanaami imerniartarfiutilik: Immiaaqqat nungunnerat pakatsinarpoq
Qaanaami seqineq kaaviinnaraluartoq immiaaqqamik nillaarimmik ulluni makkunani ataasitortoqarsinnaanngikkallarpoq. Imerniartarfik ataasinngormat immiaaraataarukkami matuvoq. RAL-ip angalanissamut pilersaarutai malillugit umiarsuaq pajuttoq, Malik Arctica juulip 19-ani aatsaat tikissaaq.
Tamanna Inughuit pub-ip sapaatit akunnerini marluugallartuni matugallarneranik kinguneqarpoq.
- Ajorpoq, ingerlatsiniarneq ajornakusoortarpoq, ukiut tamaviisa matugallartariaqartarami imerniartarfik Qaanaami baajat nunguttoortarnerat pissutaalluni, Storm Petersen, imerniartarfimmik ingerlatsisoq oqarpoq.
Taassuma immiaaqqanik tikisitsinissaq misissorsimavaa, illoqarfik qaninnerpaaq Upernavik periarfissaavoq. Taamaakkaluartoq Qaanaami suli sikkorippoq umiarsuarnullu aqquteqarani.
AAMMA ATUARUK Meeqqat atuartut sprittimik pillerfigineqartarsimasut
Timmisartumillu tikisitsinissaq Storm Petersenimut akisuallaassalluni.
Taassuma imerniartarfiutimini immiaaraq ataaseq 50 koruuninik akeqartittarpaa, Upernavimmiilli timmisartukkut tikisitsissaguni marloriaammik akeqartassanerarlugu.
Imerniartarfimmi aqutsisuusimasoq Upernavimmut ataasiarluni piniarnikuusoq, Storm Petersenip oqaatigaa.