Immeraaterujussuit Nuummi Quassussuarmi nalunneqassapput

Quassussuarmi Nuup Mittarfiata qulinnguaniittumiit aqagu ualikkut nalunaaqutaq pingasunut immikkukajaaq ittumik pisoqassaaq, Air Greenland-ip qulimiguuliutaata nunarsuarmi anguneqarsimanngittoq angoriaraluartussaammagu, immeraaterujussuarmik nalussinikkut! Immeraaterujussuaq 2,2 meter x 2,2 meterimik angissusilik qulimiguulimmiit naloriunneqassaaq, Guiness Rekordbogimiillu nakkutilliisuutitamit pisoq najuuffigineqassalluni, nakkutiginnittuutitaasussap suna tamarmi pissusissamigut ingerlanersoq malinnaaffigissavaa, nunat tamat tusagassiortui peqatigalugit.

Ilulissalli eqqaani qulimiguulimmik pingasunngormat ajutoortoqarneratigut – tassa S-61

minnerliorluni sakkortuumik tummat - qulimiguulik ajutoortoq suli iluarsineqanngimmat silarsuarmi rekordiliiniarnerigaluaq navianartorsiortinneqariaannaavoq.

Taama oqaluttuarpoq rekordileeriartussanut suleqataasut ilaat, Thomas Glätzl, Air Greenlandimi qulimiguulimmik timmisartortartuusoq.

- Maannakuugallartoq nalugallarparput qulimiguullip ajutoornerata immeraaterujussuarmik naloriussinissarput eqqornerlussaneraa, Thomas Glätzl oqarpoq.

Neriuutigaali ullumikkut suna tamarmi pissusissamisut ingerlalissasoq, Quassussuarmi Yatzyrnissaq piviusunngorniassammat.

Suna tamarmi piareeriarpat taava tullinnguutissaaq Quassussuup qaavata aqagu alakkarnissaa – majuartaatip talerpiatungaaniittoq – immeraaterujussuit ualikkut nalunaaqutaq pingasunut nalorujunneqassapput. Yacta alea est, latiinerisut taama taasannguatsiarpaat.