Immeraaterujussuit Nuummi nalunneqassapput
Immeraat nalinginnaasoq 1x1 centimeritut angitigimmat amerlanerit nalugunanngilaat, immeraatilli marluk, Air Greenlandip qulimiguuliutaa atorlugu, svenskit selskabiata, Gnuffip, apriilip ulluisa 21-anni nalunniagaat 2,2 x 2,2 merisut angitigaat. Immeraatinik silaannarmiit nalutsinermi nunarsuarmi taamaalilluni rekordiliiniartoqarpoq, taamaattumillu Guinnes Book of Records pisumi tassani ilaassaaq.
Nunarsuarmi sumiiffiit pissanganartut allat toqqarneqarsimasinnaagaluarput, peqataasussanili ataaseq, Thomas Glätzl, Air Greenlandimi qulimiguulimmut timmisartortartuuvoq, taamaattumillu Nuummi Quassussuarmiinnissaa piukkunnaqimmat tassaniinnissaa nalornissutiginagu toqqarneqarpoq.
Pisussaq kikkorpassuarnit alaatsinaanneqarluarpoq, tusagassiortunit nunani tamalaaneersunit aamma soqutigineqarluarluni.
Pisussarli taannaannassanngilaq. Peqataasussarpassuit siullermeerlutik Kalaallit Nunnaanniissapput, immeraatillu nalunneqareerpata suli allamik pisoqassaaq. Tassa qulimiguulimmit majuutseriarluni sisorarneq, Air Greenlandip qulimiguulii atorlugit ukiuni kingullerni sammineqartualersimasoq, misilissavaat.
