Immap sikua pillugu isumasioqatigiittoqarpoq
Immap sikuanik ilisimatuut arlallit immap sikuata CO2-mik nunarsuup silaannartaaneersumit tigooraasarneranut tunngasumik inissisimanera oqaluuseraat.
- Ilisimatuut immikkut tamarmik suliaminnik aallartissimasaminnik aammalu immap sikuata allanngoriartortarnerini assigiinngitsuni, immap sikuata qanoq pissuseqarnerani, immap sikuani allanngoriartornerni uumasuaqqat tappiorannartut quajaatillu pileriartortarneranni paasisaminnik nutaanik takutitsipput. Taama nassuiaavoq ataatsimiinnermik aaqqissuisoq Nuummilu silap pissusaanut ilisimatusarfimmi aqutsisoq Søren Rysgaard.
Immap sikui sikuijuitsumit avannarlermeersoq kujallermeersorlu misissukkani ilanngunneqarput. Suleqatigiit isumaqatigiissutigaat immap sikua, pinngornerminiit aakkiartornerminut nunarsuup silaannartaanit imaani CO2-mik assut annerulersitsisartoq.
Suleqatigiit misissuiffiliorniarlutik aalajangerput, taamaalillutik atortut uuttortaanermullu periaatsit assigiinngitsut misiligarniarlugit imminnullu sanilliuttarniarlugit. Misissuiffik Nuup eqqaani Kangerluarsunnguami 2010-mi marsip ingerlanerani atorneqassaaq aammalu Sikuijuitsumi avannarlermi kujallermilu assigiimmik uuttortaasarsinnaaneq tunngavissiuunneqassalluni.
Ukiup ingerlanerani periaatsit atorneqartut Svalbardip Kalaallit Nunaatalu akornanni ikermi Fram Strædimi immap sikuani tissukartumi atorneqarumaarput.
