Immap sikua milliartuinnarpoq

Nunarsuup avannaani immap sikua ukiuni kingullerni 30-ni annikilligaluttuinartoq qaammataasat atorlugit alapernaarsorneqarneratigut uppernarsineqarpoq.
Allattoq Elisa Isaksen
juulip 06-at 2009 05:31

Kalaallit Nunaata Svalbardillu akornanni immap sikua aatsaat taamak annikitsigisoq ilisimatuussutsikkut paasisat kingulliit takutippaat.

Immap sikua kingullermik taamak annikitsigivoq 1200-kkunni, aviisimi Politikenimi taama allaaserinnittoqarpoq.

Immap sikua ukiuni kingullerni 800-ni aatsaat taamak annikitsigivoq, Københavnip universitetiani sikup silallu pissussai pillugit ilisimatusarfimmi geofysikeri Aslak Grinsted oqarpoq.

Nunarsuarmi ilisimatuut arlallit suleqatigalugit Svalbardimi sikukkut qillerillutik Finlandillu avanaanni orpiit pisoqaassusiisigut misissuinermikkut immami sikup annikillisimanera uppernarsisimavaat.

Sikukkut qillerilluni sikut pisoqaassusaat uppernarsarneqarput, ilaatigut siku 1200-kkut nalaanni sikunnguussimasoq aakkiartulersimasoq ilisimatuut paasivaat.

Taamanikkut kiassimasorujussuusoq takusinnaavarput. Taamaakkaluartorli taamani immap sikua annertunerusimavoq, Aslak Grindsted oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq