Immap naqqa sajussimavoq
Indiap Imavittarsuani qeqertani ataatsimoortuni, Indiamut atasuni Adamanerne-mik taaneqartartut eqqaani immap naqqa sakkortuumik ullumi sajussimavoq.
Allattoq Elisa Isaksen
juunip 27-at 2008 14:47
Immap naqqata sajunnera, nunap sajuttarneranut uuttuut naapertorlugu 6,3-mik sakkortussuseqarpoq.
Immap naqqata sajuffiata qeqqa Adamamernemi qeqertap Port Blair-ip kujataata kitaani 100 kilometerinik ungasitsigisumiippoq.
Qeqertat taakkua 2004-mi aamma tassaarsuarmit eqqorneqarput, tassa mallit meterinik qulinik portussusillit qeqertanik aseruerujussuarmata.
