Immami uuliasiorneq pillugu isumasioqatigiittoqqassaaq

Qeqertarsuup avataani uuliasiornermut atatillugu inuussutissarsiutitigut periarfissat pillugit isumasioqatigiisitsinissaq soqutigineqarluarpoq.
Allattoq Louise M. Kleemann
septembarip 03-at 2010 07:50

Uuliasiorneq pillugu Ilulissani sapaatip akunnerata naanerani isumasioqatigiisitsinissaq, nunatsinneersunit nunanilu allamiut suliffeqarfiinit peqataaffigineqartussaq, soqutigineqarluarpoq.

Inuussutissarsiortut arlallit unnuiffissaqannginnertik pissutigalugu peqataajartornissaraluaminnik taamaatitsiinnarsimasut, Qaasuitsup Kommunianit oqaatigineqarpoq.

- Soqutiginninneq annertusimaqaaq peqataasussallu amerlassusiinik anguniagarput sipporsimavarput, Qaasuitsup Kommuniani pisuussutit uumaatsut pillugit ataqatigiissaarisoq Hans-Peder Christensen oqarpoq.

Suliffeqarfiit apeqqutissarpassui isumasioqatigiinnermi akineqarumaarnissaat naatsorsuutigineqartoq, Hans-Peder Christensen oqarpoq.

Inuit 65-it nunatsinneersut, Norgemeersut, Canadameersut Danmarkimeersullu isumasioqatigiinnermi peqataassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq