Immami qernertumi anorersuarnerata kinguneranik umiartortut 30-t suli maqaasineqarput
Immami qernertumi sapaatiummat anorersuarnerani, umiarsuit tallimat umiunerannik kinguneqartumi, ajunaartut timaat pingasut ullumi qaqinneqarput.
Allattoq Elisa Isaksen
Umiartortut 30-t suli maqaasineqartut, russit ajutoortoqartillugu ministeeriaqarfiat nalunaarpoq.
Peqatigitillugu Moskvamit 1200 kilometerinik kujasinnerusumi Port Kavkasip sissaani uulia tipisimavoq. Tassa uuliamik assartuut anorersuarnerani qitermigut napisimammat.
Sissami tamaani timmissat 30.000-inik amerlassusillit toqorarsimapput. Ullumikkut russit TVatigut timmissat uuliaarluersimasut takutinneqarput.
Russit præsidentiata Vladimir Putinip ministeriuneq Viktor Subkov ajutoorfiusumut ullumi takuniaatissimavaa.