Imigassat, tupat sukkullu akitsuutaat qaffanneqassaaq
Naalakkersuisoqatigiit ullumi aalajangiiffigineqartussamik saqqummiussissapput imigassanut sikaritsinut sukkunullu akitsuutit ataasinngorpamiit atuutilertussamik qaffaaffigineqassanersut aalajangiiffisassanngorlugu.
Sikaritsit 20-t ullumikkut 57 koruuninik akeqarput, siunnersuutaavorlu 63 koruuni 80 ørimut qaffanneqassasut.
Allannguiffiginiarneqarputtaaq immiaaqqat viinnit imigassallu. Tassa immiaaqqat 14 procentimik akitsuiffiginiarneqarput viinnit 22 procentimik imigassallu kimittuut 25 procentimik akitsuiffiginiarneqarlutik.
Sodavandit aamma liiterimut 3 koruuni 50 ørimik qaffaaviginiarneqarput.
Siumup Atassutillu akitsuutinik qaffaanerminnut oqaatigaat pinaveersaartitsineq anguniarlugu sukkunut sikaritsinut imigassanullu akitsuutit qaffanniarneqartut.
Inuit pinngitsoorsinnaasaat pillugit peqqinnerulernissarlu anguniarlugit akitsuutinik qaffaasoqarniarpoq.
Inatsisartut ataatsimiittarfianni Demokraatinit, IA-mit, kattusseqatigiit partianiillu akitsuusiisoqarniarnera sakkortuumik akerliliiffigineqaraluarpoq.
Jens B. Frederiksen Demokraatiniit inatsisartuni ilaasortamit oqaatigineqarpoq pinaveersaartitsineq aallaavigalugu akitsuutinik qaffaasoqarnianngitsoq.
Asii Chemnitz Narupimit oqaatigineqarpoq imigassamik atornerluisut ikiorserneqaqqaartariaqaraluartut, tassami ajornartorsiut imigassanik akitsuusiinikkut qaangerneqarsinnaanngimmat .