Imigassat, tupat sukkullu akitsorput

Eqqussuinermi akitsuutit ullumikkut tallimanngornermi oktobarip ulluisa 19-ianniit atuutilerput, Kalaallit Nunatsinnili immiaaralianut sodavandilianullu atatillugu akitsuutit qaffaataat ataasinngorpat oktobarip ulluisa 22-anni atuutilissallutik.

Akitsuutit qaffaataasa innuttaasunut toqqaannartumik sunniutissaatut naatsorsuutigineqartut imaapput:

1 kg sioraasat akitsuutaat 1,00 koruunit missaanni qaffanneqassapput.

0,5 liter sodavandit akitsuutaat 2,00 koruunit missaanni qaffanneqassapput.

33 cl immiaaqqat akitsuutaat 1,00 koruunit missaanni qaffanneqassapput.

75 cl viinnit akitsuutaat 10 koruunit missaanni qaffanneqassapput.

75 cl snapsit akitsuutaat 55,00 koruunit missaanni qaffanneqassapput.

Cigaritsit poortat ataatsit (20-nik imallit) 7,00 koruunit missaanni qaffanneqassapput.

Pisiniarfiit namminneq aalajangissavaat ataasinngorneq nallertinnagu akitsuutinik qaffaassanerlutik. Ullumi aqaguluuniit qaffaagunik Namminersornerullutik Oqartussat inatsisaanik unioqqutitsinavianngitsut Akileraartarnermut Pisortaqarfimmi pisortaaneq Kaare Hagemann oqarpoq.