Imigassartorsimallutik angallattut nakkutigineqarnerulissapput
Immakkut angalasut 0,5 Promille qaangerlugu imigassartorsimasut inatsisitigut pineqaatissinneqarsinnaanerat sukateriffigineqassaaq. Tamanna pivoq Namminersorlutik oqartussat Danskellu naalagaaffiat inatsisissaq pillugu isumaqatigiinniareermata.
Folketingimi inatsip nr. 100-p pingajussaaneerneqarnerani akuersissutigineqarpoq.
Folketingimi ippassaq inatsit nutaaq akuersissutigineqartoq inatsit malillugu Danskit aningaasaqarnermut inuussutissarsiornermullu ministeriata Namminersorlutik Oqartussat isumaqatigiginninniaqatigereerlugit akuersigamik, nunatta imartaani imigassartorsimallutik angallattut nakkutigineqarnerulernerinik, aamma umiartortunut inatsisit maleruaqqusallu nunatsinnut tulluarsarneqarnissaannik kinguneqassaaq.
Nunatsinni politikerit piumasaqaataannut tassalu umiarsuarni nuannaariutini ilaasortaatinilu ilaasut aamma promille aaliangersimasoq qaangerlugu imigassartoqqusaajunnaarnissamut ilaatinneqarnissaat Danskit naalagaaffiata akuerissaneraa inatsit atuutilerpat paasinarsiumaartoq folketingimi ilaasortaq Lars-Emil Johansen oqarpoq.
