Imigassartorsimalluni sukkalisaarpoq
Angut 45-nik ukiulik Nuummi politiit sapaatip-akunnerata naanerani tigusaraat. Angut kingusinnerusukkut imigassartorsimalluni aqqusinikkut ingerlaarsimasutut pineqaatissinneqassaaq.
Allattoq Najaaraq Egede
maajip 30-at 2011 11:28
Politiit Nuup aqqusernisigut tallimanngornerup arfininngornerullu akornanni unnuami ingerlaartillutik biilit sukkasoorujussuarmik ingerlaartut malugaat.
Biilit Kongevejikkuulersut unitsinneqarmata, angut imigassartorsimasoq, paasineqarpoq.
Anernerata qanoq imigassamik akoqartigineranut misissuut malillugu angutip timaa 1,35 promillemik imigassartaqarpoq. Angut erngerluni tigusarineqarpoq aaversinneragut qanoq aava aalakoornartortaqartiginersoq paasiniarneqarniassammat.
Aaversinnerata inernera kingusinnerusukkut angutip qanoq pineqaatissinnissaannut paasissutissiisinnaajumaartoq, Nuummi politiit sinnerlugit Niels Nyvang nalunaarpoq.
