Imigassartorneq affaannanngorpoq
- Nunani Avannarlerneersut aanngajarnartut pillugit isumasioqatigiinneranni, Ålandimi aggustimi pisumi, nunarput imikkut maluginiarneqarpoq, imigassamik aalakoornartulimmik atuineq apparaluttuinarmat, Kommuneqarfik Sermersuumi peqqinnissamut pinaveersaartitsinermullu fagcheffi, Line Dalentoft oqaluttuarpoq.
Imigassaq aalakoornartulik najoqqagaq ukiut 20 matuma siorna 22 literiusoq, 2008-mi 10,55 literiinnanngorsimavoq. Atuinerlu tassa ukiut tamaasa apparaluttuinnarpoq.
Danmarkimi nunaqartut Kalaallit Nunaanni najugaqartunut naleqqiullutik imigassamik maanna atuinerusut, anngajaarnartut pillugit isumasioqatigiittut Nunani avannarlerneersut paasivaat.
Nunat Avannarlermiut allat nunatsini pisortat nersualaarpaat, imigassamut politikkeqatamata, taama atuinermik appartitsitigisinnaasumik.
Iluatsititsilluarneq pinaveersaartitsiuarnermik pissuteqarpoq, soorluttaaq imigassamik atornerluineq ammasumik eqqartorneqartalersimasoq, Line Dalentoft Kommuneqarfik Sermersuup nittartagaanni allappoq.
Kalaallit Nunaanni peqqinnerulernissaq anguniarlugu suliniuteqarnermi imigassartortarneq pillugu pinaveersaartitsinernik Naalakkersuisut aamma suliniuteqarput.