Imigassaq Ikiaroornartorlu pillugit Siunnersuisooqatigiit nutaamik siulittaasoqalertut
Peqqissutsimut ilaqutariinnullu naalakkersuisup Martha Lund Olsenip siunnersuisooqatigiit pitsaasumik qanittumillu suleqatiginissaat qilanaarivaa.
- Atornerluineq; meeqqat, inuusuttut ilaqutariillu ajornartorsiutaasa ilarpassuinut patsisaavoq. Atornerluinermut tunngatillugu unammilligassat anigorniarnissaat pisortaqarfiit akornanni ataqatigiissaarinissamik piumasaqaatitaqarpoq. Siunnersuisooqatigiit ilinniakkat Naalakkersuisoqarfiillu akimorlugit katitigaanerat, ataatsimoorluni ajornartorsiutinik aniguiniarnissamut periarfissiivoq, Peqqissutsimut Naalakkersuisoq Martha Lund Olsen taama oqarpoq.
Imigassaq Ikiaroornartorlu pillugit siunnersuisooqatigiit siulittaasortaavata oqaatigaa, imigassamik atuineq ukiut ingerlanerini annikillisimagaluartoq sulilu annikilliartoraluartoq, politiit kisitsisaataat naapertorlugit nakuusertoqartarnerata nalinginnaanera, unammilligassatut isigalugu.
Imigassaq Ikiaroornartorlu pillugit siunnersuisooqatigiit oqartussaasut soqutigisaqaqatigiillu arlariit aallartitaannik qulinik ilaasortaqarpoq.