Imigassamik ajornartorsiuteqarneq Danmarkimi apeqqutigineqarajuppoq
Ikinngutitta, suleqatitta ilaquttattaluunniit arlaat imigassamik ajornartorsiuteqarnersoq ilarpassuatta aperisariaqartarpaat. Danmarkimi inuit marluugaangata aappaat aperisariaqartarpoq.
juulip 02-at 2010 10:35
Ulrik Begger Hvidovre Hospitalimeersup oqaatigaa inuit ikiortissarsiortut pingasorarterutaat ikinngutiminnit, suleqatiminnit ilaquttaminnilluunniit kaammattorneqarlutik ikiortissarsiortartut.
Misissueqqissaartarfiup You Govip qallunaanik 1007-inik amerlassusilinnik apersuinera aviisimi Kristeligt Dagbladimi saqqummiunneqarpoq.
Nunatsinni Naatsorsueqqissaartarfiup kisitsisaataasa takutippaat inuit nunatsinni 14-ileereersimasut aalakoornartoq akuitsoq ukiumut 11 liiteri imerneqartartoq. 2008-mut naleqqiullugu qaffariaat 1 procentiuvoq.
Siornanut naleqqiullugu minneruvoq. 2005-imi 12,2 liiteriusimavoq. Viinninik imigassanillu sakkortuunik atuisoqarnerulersimavoq, immiaaqqanillu atuineq minnerulaalersimalluni.
