Imeruersaatit inuummarissaatitallit meeqqanut piukkunnanngillat
Taamaattumik meeqqat aqqaneq-marluk inorlugit ukiullit imeruersaatinik inuummarissaatitalinnik imeruersartannginnissaat Nerisaqarneq Pillugu Siunnersuisooqatigiinnit siunnersuutigineqarpoq
Meeqqanut inuusuttuaqqanullu 12-iniit 18-init inorlugit ukiulinnut imeruersaatinik inuummarissaatitalinnik imeruersarnissaq annikitsumik atoqqullugu aamma siunnersuutigineqarpoq.
- Kaffip eqeernartuata imeruersaatillu inuummarissaatitalikkat sunniuttarneri meeqqanut malunniutianerusarpoq. Taamaattumik kaffip eqeernartuanik annikikkaluamik najorsineq meeqqamut pissusilersornikkut allannguallannermik kinguneqarsinnaavoq, soorlu assersuutigalugu eqqissisimannginnerulerneq, puffajanerulerneq, annilaanganeq sioranerlu, Nerisaqarneq pillugu Siunnersuisooqatigiit siulittaasuat Gert Mulvad oqarpoq.
Meeqqat inuusuttuaqqallu ullut oqimaassusertik najoqqutaralugu ullormut annerpaamik kaffip eqeernartuanik 2,5 mg-imik imeruersaasertariaqaraluarput, tassa meeraq 40 kilunik oqimaassusilik kaffip eqeernartuanik 100 mg-imik ullormut annerpaamik imeruersaateqartassasoq innersuussutaavoq. Tassalu imeruersaatip inuummarissaatitallip imarisaanit 0,25 l-imit annertunerulaartoq.
Imeruersaatit inuummarissaatitalikkat sodavandit eqqaannut niuertarfinni inissinneqartannginnissaat Nerisaqarneq Pillugu Siunnersuisooqatigiinnit aamma kaammattuutigineqarpoq.
Imigassat aalakoornartullit eqqaannut inissinneqarnissaat siunnersuutigineqarpoq, taamaasilluni kikkunnut tamanut paasinartunngorlugu imeruersaatit taakku meeqqanut imeruersaatanngitsut.
