Imeruersaatit eqeersaatitallit pillugit inatsit allanngussaaq

Siumumeersup Malik Berthelsenip imeruersaatinik tamakkuninnga tuniniaanerup meeqqanut aqqaneq marluk inorlugit ukiulinnut inerteqqutaalernissaanik siunnersuutaa, Inatsisartuni amerlanerussuteqartunit itigartinneqarneranut atatillugu, imeruersaatit taakku koffeinimik akulerujussuit inatsisartuni oqallisigineqarluarput.

Maannalu peqqissutsimut ataatsimiititaliami oqallisigineqarneratigut pisisinnaasut 18-inik ukiulinnut killilerneqarnissaat, ataatsimiititaliap isumaqatigiissutigaa. Taamaalilluni imerusersaatinik tamakkuninnga mamarisaqartut inuusunnerit pisisinnaajunnaarnissaat ilimanarsilluinnarpoq.
Imeruersaatit eqeerrsaatitallit koffeinimik akoqarpallaarnertik pissutigalugu ilaatigut sunniutigisarpaat iluamik eqqarsarsinnaannginneq, eqqissiveqannginneq, naarlunneq niaqorlunnerlu - meeraannerusut tamakkuninnga sunnerneqarnerusarlutik.

Pisiniarfinni Brugseniinnarmi Pisiffimmilu qillertuusat 12.000-it missaat qaammammut tunineqartarput.

Siunnersuut inatsisartut aappassaanneerlugu ullumi oqaluuserissavaat.