Imeruersaatit ajugaaniussutigineqartalernerat mianersoqqussutigineqarpoq

Aviisimi Jyllands-Postenimi allaaserineqartoq naapertorlugu, sodavandit qasujaallisaatitallit aallaamalersitsisinnaasullu, soorlu Cultit, Burnit Red Bullillu meeqqat ajugaaniussutigisalersimavaat, kikkut amerlanerpaanik taamaattutorsinnaasut unammissutigalugu. Imeruersaatit taakku kaffip eqeernartuanik akulerujussuupput.

Imeruersaatit fritidsklubbini ungdomsskolenilu ajornartorsiutaasorujussuanngorsimapput, taamaammallu imeruersaatit taakku tamakkunani nioqqutaanissaat inerteqqutigineqalersimavoq.

Toqunartortallit pillugu paasisimaqarluartup, Torben Hallas-Møllerip, Inuussutissat pillugit DTU-mi immikkoortortaqarfimmeersup, meeqqat inuusuttullu qasujaallisaatitalinnik imeruersaatitorpallaaqqunagit mianersoqquvai, ingasaallugimmi navianarsinnaammat.

- Qillertuusat arlallit ullormut imeraanni sianiutinut sunniussinnaapput, aamma meeqqat niaqorlulersinnaapput, merianngulerlutik, uummamminnik kassuttuulerlutik, sinissaarullutik aallaamalerlutillu.

Socialdemokratit SF-illu inatsisiliorneq allanngortinniarpaat, soorlu Cultimik pisisinnaasut ukiuisa killilerneqarnissaat inatsisiliuunneqassasoq anguniarniarlugu.

Imeruersaatit qasujaallisaatitallit tamakku Nunatsinni aamma nioqqutaapput, kikkunnilluunniit pisiarineqarsinnaallutik.