Imertarfiit nassuttut ilusillit kuultiusut nanineqarput
Danskit inuiattut eriagisassatut pigisaat tillinneqaraluartut nanineqarput
Allattoq Elisa Isaksen
Imertarfiit nassuttut ilusillit kuultiusut Danmarkimi ippassigami tillinneqartut nassaarineqarput politiinillu maanna paarilluarneqarput. Tamanna politiit pisortaata Steen Edeling-ip nutaarsiassaqartitsivimmut Ritzauimut uppernarsarpaa.
Nanuusaliaq ukiunik 9000-inik pisoqaassusilik ilanngullugu tillinneqarsimasoq aamma nassaarineqarsimavoq.
Politiit danskit sisamat tillinniarsimasutut pasisat tigusaraat – taakkua tassaapput angutit marluk 22-nik 25-nillu ukiullit kiisalu arnat marluk 19-inik 46-nillu ukioqartut.
Tillinniarnermut suna pissutaasimanersoq politiit oqaatigiumanngikkallarpaat.