Imerniartarfinni pujortarneq inerteqqutaalerataannaavoq
Pujortarneq pillugu nutaamik inatsisiliornissamut atatillugu, Juliane Henningsenip, Inuit Ataqatigiinneersup Siumumeersullu, Doris Jakobsenip, siunnersuutaannut akissuteqarluni, Peqqissutsimut naalakkersuisoq, Ark´alo Abelsen, taama allappoq.
Siunnersuutit peqqinnissaq pillugu ataatsimiititaliami oqallisigineqarmata ilaasortat amerlanerit isumaqatigimmatigik neriniartarfinni café-nilu immikkut pujortartarfeqalernissaq innersuussutigineqarpoq.
Imerniartarfinnili, neriniartarfinni café-nilu pujortarnerup inerteqqutaalivinnissaa naalakkersuisut innersuutigaat.
Siunnersuut pingasunngornermi apriilip ulluisa 23-anni pingajussaaneerlugu oqallisigineqassaaq. Siunnersuullu inatsisartuni akuerineqassappat pujortarnermut inatsit nutaaq 2010-mi januaarip ulluisa aallaqqaataanni atuutilissaaq.