Imeq puiaasamut 500 koruunit
Imeq ilulissamit aattoq ukiunik 200.000-inik pisoqaassusilik, puiaasamut 500 koruunit sinnerlugit akilerlugu tuniniarneqarpoq.
Allattoq Jaaku Lyberth
Imeq puiaasamut kusanartumik ilusilersukkamut 750 milliliterinik annertussusilimmut immiullugu qaammatip tulliani tuniniarneqalissaaq.
Imeq Nunatsinni tuniniarneqassanngilaq, taamaallaat pisuunut akissalittut taaneqartartunut, tassalu Saudi Arabiamiittunut, Japanimiittunut, USA-miittunut, De Forenede Arabiske Emiratiniittunullu tuniniarneqassalluni, piginneqatigiiffik Iluliaq Water ApS Ilulissani angerlarsimaffeqartoq, imermik tuniniaasussaq tugassiuutinut nalunaarummini taama allappoq.
Imeq tuniniarneqartussaq Ilulissat Kangerluanni nilannit aatsitaavoq.